Sake vir voorbidding

Die krag van gebed moet nooit onderskat word nie. As jy dus tot die Here nader oor jou eie persoonlike sake, dra ook die volgende aan die Here op.

• Plaaslike sake:
  1. Persone wat tans deur moeilike beproewing gaan vanweë siekte of verlies: Maxi van der Merwe (worstel met ernstige kanker), Herman Botha se broer en sy gesin (die broer se skoonpa is skielik aan sy hart oorlede op betreklik jong ouderdom [65jr]).
  2. Die aktiwiteite van die gemeente: lees gerus in Die Boodskapper watter dinge hierdie week op die gemeente se agenda lê en bid dat die Here al hierdie pogings ryklik sal seën.
  3. Die projekte van ons gemeente se verskillende diensgroepe waarmee die koninkryk van God gestalte moet kry sodat ons almeer ons visie kan verwesenlik naamlik dat Christus alles in almal moet word.
  4. Die aksies waarmee die gemeentes in die Moot 'n verskil maak naamlik Echo Jeugbediening, Hospi Visie en Moot Care Sentrum. Dra veral die personeel wat hiermee besig is aan die Here op.
• Sake in wyer verband:
  1. Die loon onderhandelings met gepaardgaande stakings wat 'n baie negatiewe uitwerking op almal in die land het. Bid vir wysheid en verantwoordelikheidsin vir alle betrokke partye.
  2. Die onderwys. Daar word baie bemarking gedoen om mense bewus te maak van die noodsaaklikheid dat die onderwys dringend aandag sal geniet. Dra hierdie hele proses aan die Here op.
  3. Bid vir die baie hartseer wat in dele van die wêreld die afgelope tyd by duisende mense gekom het as gevolg van oorstromings.
• Ander sake: Indien jy weet van sake waarvoor jy ander gelowiges se voorbidding wil vra, stuur dit gerus per epos na dr Lazenby by martin@ngkpierneef.co.za . Jy is meer as welkom. As jy nie persoonlike inligting wil verskaf nie, is dit ook reg so. Noem dan net die saak annoniem.