Identifiseer met die lewe van Jesus Christus en fokus op die koninkryk van God.

(Hierdie lesing is uitgewerk met erkenning aan prof Nelus Niemandt wat dieselfde reeks aanbied in sy boek getiteld: "Nuwe drome vir nuwe werklikhede").

Een van die grootste probleme van die gevestigde kerke waarvan die NG Kerk maar een is, is die feit dat die indeling van gemeentes volgens geografiese grense en die klem op amptelike kerklike lidmaatskap by baie gelowiges die indruk laat dat dit in ons godsdiens gaan om die bestaan van die kerk binne 'n bepaalde gemeente. Vir baie mense begin en eindig kerkwees binne die grense van 'n sekere gemeente. Die gevolg is dan dikwels dat dit vir sulke mense baie meer in die uitlewing van hulle godsdiens gaan om die groei en behoud van hulle gemeente as wat dit gaan om die koninkryk van God. Daar kom soms by mense selfs 'n beheptheid met die identiteit en voortbestaan van 'n bepaalde gemeente sodat hulle dit ten alle koste sal verdedig. Die eerste belangrike insig waartoe ons as gelowiges moet kom, is om te besef dat dit in ons godsdiens nie gaan om die kerk nie, maar om die koninkryk van God. By die wederkoms van Christus sal die kerk verdwyn maar die koninkryk van God sal bly staan tot in ewigheid.
In Wikipedia word soos volg oor ontluikende kerke geskryf: "Ontluikende kerke is toegewy om Jesus se lewenswyse na te volg - veral Jesus se liefde vir God, sy naaste en selfs sy vyande. Die evangelie word verstaan uit die sentrale rol van Christus en sy aankondiging dat God se ryk aangebreek het sodat daar versoening tussen God, mens en skepping kan plaasvind." Persone wat oor die verskynsel van godsdiens navorsing gedoen het, het tot die gevolgtrekking gekom dat mense oor die algemeen baie positief dink oor Jesus Christus. Die probleem is egter dat baie mense nie lus het vir die "vrou" van Christus (dit is die kerk) nie. Vir hulle gaan dit in die kerk om 'n klub van Godsdienstige mense waar die klublede tradisies vier en lekker saam met die ander klublede kuier. Verder het die kerk geen invloed na buite nie. So is daar ook ander klubs waaraan mense behoort. Kies dus maar vir jou by watter klub jy wil aansluit en lewe jou daarin uit.
Die eerste belangrike verskuiwing wat daar in die gelowige se denke moet kom, is om te besef dat dit nie gaan om kerkgroei nie, maar om koninkryksgroei. Die fokus van die gelowige mag nooit op die kerk gerig wees nie, maar altyd op die koninkryk van God - die heerskappy van God oor die ganse wêreld moet die mikpunt wees. In hierdie verband is twee sake van die uiterste belang:

Iemand met die naam van Milfred Minatrea sê: "Missional churches seek to develop Kingdom Citizens".
In die boek waarna reeds hierbo verwys is, probeer Nelus Niemandt ons help om die koninkryk van God beter te verstaan deur 'n aantal terme te gebruik wat op eietydse wyse verskillende perspektiewe van God se koninkryk belig. Die volgende word genoem:

Die koninkryksvraag: hoe verander ons die gemeenskap waarbinne die kerk leef?

Twee aspekte van God se koninkryk loop altyd in 'n kreatiewe spanning met mekaar saam: aan die eenkant is daar die al-reeds van die koninkryk en aan die anderkant is daar die nog-nie karakter. Die koninkryk van God bestaan reeds, dit is 'n werklikheid. Tog moet hierdie werklikheid almaar en al beter deur Jesus Christus se volgelinge gestalte kry in hierdie gebroke wêreld waarin ons leef. Daarom is ware geestelikheid nie 'n ontsnappingsroete om die gelowige te help om van hierdie aandse bestaan af weg te kom nie. Dit word 'n lewensreis waarin elke gelowige die verantwoordelikheid het om God se toergids in hierdie wêreld te wees. Wie kan nou ooit 'n beter toergids wees as die mens wat sy wêreld deurleef het? Die deurgeefde gelowige is die heel beste daartoe instaat om namens God die mense van die wêreld te wys hoe die heerskappy van God in die mens se lewe lyk.
Iemand met die naam van Bernard Stiegler het hierdie baie belangrike opmerking gemaak: "Dit gaan nie soseer oor waarheen jy gaan nadat jy sterf nie, dit gaan oor die wêreld wat jy agterlaat wanneer jy sterf". Daarme bedoel he dat die gelowige se doel op aarde is nie om net seker te maak dat jy eendag die ewige lewe gaan erf na jou dood nie, maar dat die lewe self jou fokus moet word. Jou fokus moet dus veral daarop gerig wees om 'n stukkie van God se heerskappy in hierdie wêreld agter te laat deur die styl waarop jy geleef het. Wat veral hier van belang is, is om te onthou dat God se koninkryk te make het met die hele spektrum van ons lewe. Sy heerskappy moet in die onderwys, die politiek, die ekonomie, die ekologie, en noem maar op sigbaar gemaak word.

Dit bring ons daartoe om na te dink oor die volgende vrae:

As jy graag na die klankbaan van hierdie lesing wil luister, klik hier.

Terug na hoofblad.