GEDAGTE UIT DIE WOORD

Lees Hebr 4:1-13 Terwyl die belofte om in sy rus in te gaan nog van krag is, moet ons oppas dat dit nie miskien later blyk dat een van julle agtergebly het nie. 2Ons het die blye boodskap ontvang net soos hulle, maar hoewel hulle die prediking gehoor het, het dit hulle niks gebaat nie, omdat hulle nie geglo het wat hulle gehoor het nie. 3Ons wat glo, gaan wel in die rus in, maar hulle nie, soos God gesê het: "Toe het Ek in my toorn 'n eed afgelê: In my rus sal hulle beslis nie ingaan nie." En tog was sy werk ná die skepping van die wêreld reeds afgehandel, 4want êrens in die Skrif word van die sewende dag dit gesê: "En God het op die sewende dag gerus van al sy werk," 5terwyl hier weer gesê word: "In my rus sal hulle beslis nie ingaan nie." 6Dié wat vroeër die blye boodskap gehoor het, het dus vanweë hulle ongehoorsaamheid nie in sy rus ingegaan nie, maar vir sommige bly die moontlikheid bestaan om in sy rus in te gaan. 7God het immers weer 'n dag bepaal, naamlik "vandag", wanneer Hy, soos reeds voorheen aangehaal, soveel later by monde van Dawid sê: "Vandag, as julle sy stem hoor, moet julle nie hardkoppig wees nie." 8As Josua hulle in die rus laat ingaan het, sou God nie daarná nog van 'n ander dag gepraat het nie. 9Daar wag dus nog steeds 'n sabbatsrus vir die volk van God, 10want elkeen wat in die rus van God ingaan, rus van sy werk, net soos God van Syne. 11Laat ons ons dan beywer om in daardie rus in te gaan, sodat niemand hulle voorbeeld van ongehoorsaamheid navolg en ook omkom nie. 12Die woord van God is lewend en kragtig. Dit is skerper as enige swaard met twee snykante en dring deur selfs tot die skeiding van siel en gees en van gewrigte en murg. Dit beoordeel die bedoelings en gedagtes van die hart. 13Daar is ook niks in die skepping wat vir God onsigbaar is nie; alles lê oop en bloot voor sy oë. En aan Hom moet ons rekenskap gee. Die Bybel : Nuwe Vertaling. 1998, c1983 (electronic ed.) (Heb 4:1). Bybelgenootskap van Suid-Afrika: Cape Town, South Africa

Jy kan vir mense baie geheime wegsteek en dit regkry om almal rondom jou 'n rat voor die oë te draai dwarsdeur jou lewe. Een ding sal jy nie regkry nie: jy kan God nie kul nie. Hy ken jou diepste geheime. Daarom sê die skrywer van die Hebreërbrief dat jy moeite met God se Woord moet doen sodat jy kan weet presies hoe om volgens God se wil te leef. Die vraag is dus: hoeveel kwaliteit tyd spandeer jy aan die Woord van die Here?

DIE 2010 FIFA WêRELDBEKER SUID-AFRIKA

Eers het dit gevoel of die wêreldbeker sokkertoernooi nooit sal kom nie. Ons het die dae afgetel en toe die ure. En toe was dit skiellik hier en nou is dit verby. Sal dinge ooit weer dieselfde wees? Waarskynlik nie. Voor die tyd was daar baie doemprofete wat nie kon glo dat Suid-Afrika dit sal kan regkry om so 'n groot geleentheid te organiseer nie. Hoe verkeerd was hierdie profete nie. Nie net het ons dit gereël nie, maar was dit een van die beste geleenthede van sy soort ooit - indien nie die beste nie (volgens oa mnr Bladder - Fifa se hoofbeampte).
Nou leef die vraag op almal se lippe: Wat nou? Hoe gaan ons nou vorentoe? Die doemprofete (sommige dieselfde mense as voor die tyd - hulle leer ook nie) kyk na die uitgawes en die stadions en sit agteroor om te sien hoe gaan dit verder benut word. Eintlik het hulle klaar besluit dit gaan misluk en hoop nou dit gebeur. Dan was hulle mos reg. Die positiewe mense kyk na hulleself en neem saam verantwoordelikheid vir die uitgawes en vra: wat kan ek nou doen om dit te maak werk? In watter kamp jy ookal staan, almal sal moet erken dat dinge anders is. Wat my veral opval is hoeveel mense vertel van 'n algemene meer gemaklike verhouding en vriendelikheid wat daar tussen die mense van ons land heers. Wonderlik. Kom ons gebruik dit. Daar is ook opnuut 'n voorneme van die leiers om erns te maak met beter polisiëring en onderwys. Dit gaan moeilik wees. Hoe gaan ons as gelowiges help om dit te maak werk? Wat gaan jy doen?
Al wat hier beklemtoon word, en dit sluit aan by die skrifgedeelte hierbo, is dat ons jou wil vra om saam die wa deur die drif te help dra. In plaas daarvan om eenkant te staan en klippe te gooi en so deel van die probleem te wees, nooi ons jou om saam deel van die oplossing te word. Ons het mos nou gesien waartoe ons mense (almal) instaat is. Kom ons staan weer saam en doen die ding. Dit is mos jou eie toekoms waaraan jy werk.

SAKE VIR VOORBIDDING

Jesus nooi ons om te bid: "As twee van julle op aarde oor enige saak saamstem en daaroor bid, sal my Vader wat in die hemel is, hulle dit laat kry." (Mat 18:19) Paulus herinner ons daaraan in Fil 4:6 "Moet oor niks besorg wees nie, maar maak in alles julle begeertes deur gebed en smeking en met danksegging aan God bekend." Jakobus wys ons op die kragtige uitwerking van gebed. "Die gebed van 'n gelowige het 'n kragtige uitwerking." (Jak 5:16) Ons nooi jou om saam met ons vir die volgende sake te bid: Lees verder...

AFKONDIGINGS VIR 29 AUG TOT 4 SEPT 2010

GOTCHU
Daar lê 'n paar lekker saamdoen dinge voor soos die Godly Revolution musiekfees op 4 Sept en die dans op 17 Sept. Lees die nodige besonder- hede hier.

VOLLEDIGE AFKONDIGINGS
Kliek hier om die nuutste afkondigings en verjaarsdae te lees.

BANKBESONDERHEDE:
Bank: ABSA
Rek naam: NG Gemeente Pierneef
Takkode: 632005
Rek nr: 005 058 0040

KOMMENTAAR
Lewer gerus kommentaar op enige van bogenoemde sake.
(Kliek hier)